Հոգեբան. Հոգսաշատ ենք, ոչ թե երջանիկ

Հոգեբան Կարինե Նալչաջյանն այսօր լրագրողների հետ հանդիպման ժամանակ խոսեց  «Արդյո՞ք երջանիկ են հայաստանցիները» Vin gallup international հետազոտական կենտրոնի Հայաստանում անցկացված հետազոտության մասին:

Հոգեբանը նշեց, որ երջանկությունը սուբյեկտիվ զգացողություն է, և բարդ ներքին կառուցվածք ունի. «Երջանկության պահեր մարդը ունենում է, սակայն մարդն իրեն երջանիկ զգալու համար իր հիմնարարար պահանջմունքները պետք է բավարարած լինի. մարդը դատարկ ստամոքսով չի կարող մշակույթ ստեղծել»:

Ըստ Կարինե Նալչաջյանի, այն մարդիկ են երջանիկ, ովքեր արդյունավետ կյանքով են ապրում, սակայն արդյունավետ կյանքով ապրողների տոկոսը շատ փոքր է:

Երջանկության համար, նրա խոսքով, պետք է երկու պարզ բաղադրիչ. ունենալ ինքնաարտահայտման հնարավորություն, սիրել և սիրված լինել:

Արդյո՞ք իրականությունն է արտացոլում հետազոտական կենտրոնի արդյունքները: Ըստ հոգաբենի, հայերը սիրո հարցում այդքան էլ վատ վիճակում չեն, սակայն անզեն աչքով կարելի է տեսնել, որ ինքնադրսևորման բաղադրիչը կաղում է:

«Հայաստանը կանվանեի հոգսաշատ, քան թե երջանիկ մարդկանց երկիր»,- ամփոփեց Կարինե Նալչաջյանը:

Հարցեր, պատասխաններ, մեկնաբանություններ